SON DƏQİQƏ

22.02.2017 ci il tarixində Bakı Dövlət İqtisadiyyat və Humanitar Kollecində Abşeron Polis İdarəsinin təşkilatçılığı, Abşeron İcra Hakimiyyətinin dəstəyi və Dini Qrumlarla İş Üzrə Dövlət Komitəsinin iştirakı ilə “Qeyri- ənənəvi dini təriqətlər və dini radikalizm” mövzusunda geniş tədbir keçirilmişdir.Tədbiri giriş sözü ilə açan direktor Rüxsarə Əliyeva qeyd etdi ki, gənc nəslin düzgün tərbiyəsi, onların əsl vətənpərvər millətə dövlətə bağlı vətəndaş kimi yetişmələri dövrümüzün ən prioritet məsələlərindən biridir. Gənclərin asudə vaxtlarının səmərəli keçirilməsi üçün Azərbaycanda hər cürə şərait yaradılmış, bununla bağlı ölkə Prezidentinin bir sıra sərəncam və göstərişləri vardır. Əfsuslar olsun ki, bəzi gənclər iradə zəifliyi ucbatından qeyri- ənənəvi dini təriqətlərə, qanunsuz silahlı birləşmələrə cəlb edilir, müqəddəs müharibə adı altında silahlandırılaraq terroristə çevrilirlər. Azərbaycanda bununla bağlı daim proflaktik tədbirlər görülmüş və görülməkdədir. Tədbirdə çıxış edənlər gənc nəslin düzgün marifləndirilməsində müəllimlərin rolunun əvəzsiz olduğunu, onların cəmiyyətin əsas istiqamətverici qüvvəsi olduqları bir daha vurğulandı. Tədbir tələbələrin maraqlı sualları və “ Fitnə ” filminin nümayişi ilə davam etdi.