SON DƏQİQƏ

Anım tədbirində Azərbaycan Respublikasının Dövlət Himni səsləndirilib, ümummilli lider Heydər Əliyevin əziz xatirəsi bir dəqiqəlik sükutla yad edilib.

Kollecin direktoru Səhər Orucova Ulu Öndər Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətindəki siyasətindən, eləcə də milli-mənəvi dəyərlərə olan qayğısından söz açıb: “Ümummilli Lider Heydər Əliyevin siyasi və ictimai görüşlərinin sayəsində milli-mənəvi və əxlaqi dəyərlərimiz, adət-ənənələrimiz bütün istiqamətlərdə qorunmuşdur. Heç şübhəsiz ki, onun müdriklik fəlsəfəsinin əsasında da məhz milli-mənəvi dəyərlərimiz dayanır. Ulu Öndərin hakimiyyət illərinə diqqət yetirsək, onun siyasətinin mənəvi əsaslarını təşkil edən başlıca prinsipləri müxtəlif istiqamətlərdə qruplaşdıra bilərik”. Ümummilli Liderin Azərbaycan tarixindəki əvəzolunmaz rolundan bəhs edən Səhər Orucova bu siyasətin bu gün Prezident İlham Əliyev tərəfindən uğurla və əzmlə davam etdirildiyini diqqətə çatdırıb.

BDU-nun Filologiya fakültəsi Azərbaycan şifahi xalq ədəbiyyatı kafedrasının dosenti Könül Həsənova Ümummilli Lider Heydər Əliyevin Azərbaycan xalqı və dövləti üçün həyata keçirdiyi layihələrdən, ölkəmizin beynəlxalq aləmdə söz sahibinə çevrilməsindəki xidmətlərindən, eləcə də təhsilə, gəncliyə verdiyi dəyərdən bəhs edib.

Tədbirdə Kollecin “Yaradıcılıq Mərkəzi”nin üzvlərinin hazırladığı videoçarxlar nümayiş olunub, Ümummilli Liderə həsr olunan şeirlər səsləndirilib.







-