SON DƏQİQƏ

Bakı Dövlət Universitetinin nəzdində İqtisadiyyat və Humanitar Kollecin I kurs 001 və 002-ci qrupların tələbələri Sultan Leyla İlqar qızı və Həsənzadə Abdul Arif oğlu 12 aprel 2023-ci il tarixində Kollecin "Fizika" fənn müəllimi Radifə İsmailovanın rəhbərliyi ilə Bakı Dövlət Universitetinin Fizika fakültəsində Ümummilli Lider Heydər Əliyevin 100 illik yubileyinə həsr olunmuş “Gələcəyin alimləri” adlı tələbələrin VIII elmi konfransında iştirak ediblər. Onlar “Fizikanın tədrisi metodikası” bölməsində “Birləşmiş qablar qanununa əsasən işləyən fontan” adlı məruzə ilə çıxış edib və sertifikatla təltif olunublar.
Plenar iclasda BDU-nun Elmi fəaliyyətin təşkili və innovasiya mərkəzinin müdiri professor Mais Süleymanov Ulu Öndər Heydər Əliyevin elmə, təhsilə daim böyük önəm verdiyini vurğulayıb və bu sahənin inkişafına göstərdiyi qayğıdan danışıb. O, tələbə elmi konfransının keçirilməsinin tədqiqatçıların yetişməsi baxımından böyük əhəmiyyət kəsb etdiyini bildirib.