SON DƏQİQƏ

13.04.2017-ci il tarixdə Bakı Dövlət İqtisadiyyat və Humanitar Kollecində “İnsan alverinə qarşı mübarizə” mövzusunda tədbir keçirilmişdir.Tədbir Dövlət Himninin səslənməsi ilə başlamışdır.Tədbirdə DİN-nin İnsan Alverinə qarşı mübarizə Baş İdarəsinin əməkdaşı Söhrab Orucov və Təmiz Dünya Qadınlara Yardım İctimai birliyinin əməkdaşı Şəhla Hüseynova iştirak etmişlər. Tədbiri giriş sözü ilə açan Söhrab Orucov bildirdi ki , hər il milyonlarla insan , insan alverinin qurbanı olur. Onu doğuran bir çox səbəblər var. Bu cinayətkarlıqla mübarizə aparmaq hər bir vətəndaşın borcudur. Bununla bağlı Dövlətimiz bir sıra tədbirlər həyata keçiri. Maarifləndirmə prossesi bu işin ayrılmaz hissəsidir.
Çıxışlara davam edən Şəhla Hüseynova vurğuladı ki , bu cinayətkarlığın qurbanı olan insanlar müraciət edərkən dövlətin himayəsinə alınırlar.İctimai birliyin balansında sığınacaqlar mövcuddur və orada bu insanların cəmiyyətə yenidən inteqrasiyası , reabilitasiyası üçün bir sıra proflaktik tədbirlər görülür.Tədbir tələbələrin maraqlı sualları və video slaydın nümayişi ilə davam etdi.


TGT-nin mətbuat katibi
Nigar Hüseynova