SON DƏQİQƏ

13.10.17-ci il tarixində Bakı Dövlət İqtisadiyyat və Humanitar Kollecində Yeni Azərbaycan Partiyasının yaranmasına həsr edilmiş tədbir keçirilmişdir. Tədbiri giriş sözü ilə açan Kollecin direktoru Rüxsarə Əliyeva xalqımızın 1988-ci ildə başlayan milli-azadlıq hərəkatınadan, YAP-ın yarandığı mürəkkəb tarixi-siyasi şəraitdən, keçdiyi çətin və şərəfli mübarizə yolundan, milli xilaskarımız Heydər Əliyevin xalqımız və dövlətimiz qarşısında göstərdiyi böyük xidmətlərdən danışdı.Çıxışlara davam edən YAP Abşeron rayon təşkilatının sədr müavini İlham Manafov qeyd etdi ki, YAP-ın yaranması ötən əsrin 80-ci illərinin sonu - 90-cı illərinin əvvəllərində ölkəmizdə baş verən ictimai-siyasi hadisələrdən irəli gələn tarixi zərurət idi. YAP xalqımızın arzu və istəklərinin ifadəçisi kimi siyasi mübarizə meydanına qədəm qoydu. “Yeni, müstəqil Azərbaycan uğrunda!” şüarı ilə siyasi mübarizə meydanına atılan YAP ötən 25 ildə Azərbaycan dövlətçiliyinin güclənməsinə, xalqımızın rifah halının yüksəlməsinə böyük töhfələr vermişdir.Daha sonra çıxış edən Prezident yanında bilik fondunun mətbuat katibi Ceyhun Musaoğlu nəzərə çatdırdı ki , Ümummilli lider Heydər Əliyevin yaratdığı, təşkilatlandırdığı, qurduğu YAP Ulu Öndərimizin müdrik dövlətçilik kursunun ən layiqli davamçısı, Azərbaycan Prezidenti cənab İlham Əliyevin rəhbərliyi altında həyatımızın bütün sahələrində böyük uğur və nailiyyətlər qazanır. Sonda partiya sıralarına yeni qəbul olunmuş üzvlərə partiya biletlərinin və tədrisdə fərqlənən bir qrup müəllimə təşəkkürnamələrin təqdim olunması ilə davam etdi.