SON DƏQİQƏ

Bakı Dövlət İqtisadiyyat və Humanitar Kollecində Azərbaycan şairi, siyasi və ictimai xadim Molla Pənah Vaqifin 300 illik yubileyi münasibəti ilə ədəbi-bədii gecə keçirilmişdir.Tədbirlərdə “Böyük Azərbaycan şairi Molla Pənah Vaqifin 300 illik yubileyinin keçirilməsi haqqında” Azərbaycan Respublikasının Prezidenti İlham Əliyevin 12 yanvar 2017-ci il tarixli sərəncamı, Molla Pənah Vaqifin həyat və yaradıcılığı, şəxsiyyəti və ictimai fəaliyyəti, Azərbaycan ədəbiyyatındakı rolu, sənətkarlıq xüsusiyyətləri barədə geniş məlumat verilib. Onun türk dünyasının böyük şairi olduğu vurğulanıb.Tədbirdə bildirilib ki, Qarabağ xanının birinci vəziri XVIII əsrin məşhur siyasi və ictimai xadimi Molla Pənah Vaqif xalqımızın orta əsrlər ənənələri ruhunda və yeni tipli, realist, şifahi xalq poeziyasına yaxın şeirlər yazmış görkəmli şairlərindəndir. Onun yaradıcılığı Azərbaycan poeziyasının gələcək inkişafına böyük təsir göstərib, ictimai təfəkkürümüzün və poeziyamızın inkişafı tarixində yeni bir mərhələ olub.



Tələbələr tərəfindən hazırlanmış müxtəlif kompozisiyalar, səhnəciklər, musiqi nömrələri maraqla qarşılanıb.