Kollecin Kimya müəllimi İsmayılova Əfsanənin təşkilatçılığı ilə *“Kimyanın Həyatımızdakı Rolu”* adlı sərgi keçirildi. Sərgidə tələbələrimiz tədris ili boyunca Kimya fənnindən əldə etdikləri nəzəri bilikləri praktik və yaradıcı yanaşmalarla nümayiş etdirdilər. Sərgidə kimyanın gündəlik həyat, ekologiya, qida sənayesi, məişət, texnologiya və tibb sahələri ilə əlaqəsi əyani vasitələr və əl işləri üzərində təqdim olundu.
“Yaşıl kimya” istiqamətində hazırlanan işlər ətraf mühitin qorunması, tullantıların azaldılması və ekoloji təhlükəsizliyin təmin olunması baxımından böyük maraq doğurdu.
Sərginin əsas məqsədi tələbələrdə elmi dünyagörüşü formalaşdırmaq, kimyanın həyatımızdakı əhəmiyyətini praktik nümunələrlə göstərmək və onların tədqiqatçılıq, yaradıcılıq bacarıqlarını inkişaf etdirmək olmuşdur.
Tədbirdə iştirak edən direktor Hicran xanım, direktor müavinləri və müəllimlər tələbələrin hazırladıqları layihələri yüksək qiymətləndirərək onların elmi potensialını və fənnə olan marağını xüsusi vurğuladılar.
*Kimya həyatdır, inkişafdır və gələcəyin açarıdır* ideyası sərginin əsas mahiyyətini təşkil edərək elmin insan həyatında, texnologiyada və dayanıqlı inkişafda mühüm rol oynadığını nümayiş etdirdi.