BDU-nun nəzdində İqtisadiyyat və Humanitar Kollecində 26 İyun – Narkotik vasitələrin sui-istifadəsi və qanunsuz dövriyyəsi ilə Beynəlxalq Mübarizə Günü münasibətilə tədbir təşkil olunub .
Tədbirin məqsədi gənclər arasında sağlam həyat tərzinin təbliği, narkotik vasitələrin insan sağlamlığına, ailəyə və cəmiyyətə vurduğu ağır zərərlər barədə məlumatlandırmanın artırılması, həmçinin tələbələrdə zərərli vərdişlərə qarşı sağlam və məsuliyyətli həyat mövqeyinin formalaşdırılması olub.
Çıxış edənlər narkotik asılılığının yaratdığı fiziki, psixoloji və sosial fəsadlardan, bu bəlanın qarşısının alınmasında ailənin, təhsil müəssisələrinin və cəmiyyətin birgə fəaliyyətinin əhəmiyyətindən danışıblar. Bildirilib ki, gənclərin asudə vaxtının səmərəli təşkili, onların elmə, idmana və mədəni fəaliyyətə cəlb olunması narkomaniyaya qarşı mübarizədə mühüm rol oynayır.
Tədbirdə iştirakçılar mövzu ətrafında fikir mübadiləsi aparıb, onları maraqlandıran suallar cavablandırılıb və narkotik vasitələrin qanunsuz dövriyyəsinə qarşı hər bir vətəndaşın məsuliyyətli mövqe nümayiş etdirməsinin vacibliyi vurğulanıb.
