BDU-nun nəzdində İqtisadiyyat və Humanitar Kollecin əməkdaşları IV Psixoloji Zirvə Beynəlxalq Konfransında iştirak ediblər
BDU -nun nəzdində İqtisadiyyat və Humanitar Kollecin İnzibati təsərrüfat işləri üzrə direktor müavini Tərlan Hacızadə, Tədris hissə müdiri Kamil Məmmədli, Baş metodist Samirə Nuriyeva, Humanitar ixtisaslar şöbə müdiri Vüsalə Sadıqova və İqtisadiyyat ixtisasları şöbə müdiri Günay Əliyeva IV Psixoloji Zirvə Beynəlxalq Konfransında iştirak etmişlər.
Konfransda Elmi Tədqiqat İnstitutunun sədri Elnur Rüstəmov, Narınc Rüstəmova, Buxara Universitetinin rektoru professor Şərif Baratov ,Slavyan Universitetinin rektoru Anar Nağıyev,Türkiyədən dəvət olunmuş tanınmış psixoloqlar, tədqiqatçılar və müxtəlif sahələr üzrə mütəxəssislər iştirak edərək aktual psixoloji yanaşmalar, müasir təhsil mühitində psixoloji dəstək, insan kapitalının inkişafı, liderlik, effektiv ünsiyyət, emosional intellekt və psixi sağlamlıq mövzularında çıxışlar etmiş, elmi-praktik təcrübələrini bölüşmüşlər.
Konfrans çərçivəsində iştirakçılar müasir psixologiya sahəsində beynəlxalq təcrübə ilə yaxından tanış olmuş, peşəkar müzakirələrdə iştirak etmiş, yeni əməkdaşlıq imkanlarını dəyərləndirmiş və əldə etdikləri bilik və təcrübələrin təhsil prosesində tətbiqinin əhəmiyyətini vurğulamışlar.