Bakı Dövlət Universitetinin nəzdində İqtisadiyyat və Humanitar Kollecində 5 Oktyabr – Beynəlxalq Müəllimlər Günü münasibətilə müəllimlərin şərəfli və məsuliyyətli əməyinə həsr olunmuş tədbir keçirilib.
Tədbir Azərbaycan Respublikasının dövlət himninin səsləndirilməsi və Ümummilli lider Heydər Əliyev və şəhidlərin xatirəsinin yad edilməsi ilə başlayıb.
Tədbiri çıxış sözü ilə açan kollecin direktoru Hicran xanım Əyyubova müəllimləri Müəllimlər Günü münasibətilə təbrik edib, onlara gənc nəslin təhsil və tərbiyəsində göstərdikləri fədakar əməyə görə təşəkkür edib, müəllim peşəsinin cəmiyyətin inkişafında, gənc nəslin təlim-tərbiyəsində və milli-mənəvi dəyərlərin formalaşdırılmasında rolunu vurğulayıb, qeyd edib ki, müəllim yalnız bilik verən deyil, eyni zamanda tələbənin dünyagörüşünün, şəxsiyyətinin və gələcək həyata baxışlarının formalaşmasına istiqamət verən önəmli şəxsdir.
Tələbə Gənclər Təşkilatının sədri Kamil Şahbazlı çıxış edərək TGT adından müəllimləri təbrik edib.
Tədbir çərçivəsində tələbələrin hazırladığı ədəbi-bədii kompozisiyalar, musiqi və səhnəciklər nümayiş olunub.
Tədbirin sonunda kollecin Həmkarlar İttifaqının dəvət etdiyi gənc və istedadlı müğənni Telman Budaqov öz ifası ilə xüsusi bayram əhval-ruhiyyəsi yaradıb.
Bütün müəllimlərimizi peşə bayramları münasibətilə təbrik edir, onlara möhkəm cansağlığı, fəaliyyətlərində uğurlar və yetişdirdikləri hər bir tələbənin uğurundan qürur duymağı arzulayırıq!