BDU-nun nəzdində İqtisadiyyat və Humanitar Kollecində tələbələr arasında sağlam həyat tərzinin təbliği, narkomaniyanın fəsadları barədə maarifləndirmənin artırılması və gənclərin zərərli vərdişlərdən qorunması məqsədilə narkomaniyaya qarşı mübarizəyə həsr olunmuş “ Narkomaniya ümumbəşəri bəladır “adlı maarifləndirici tədbir keçirilib.
Kollecin sosial məsələlər və ictimaiyyətlə əlaqələr üzrə direktor müavini Firuzə Fərmanlı narkotik vasitələrin insan sağlamlığına, psixoloji vəziyyətinə və sosial həyatına mənfi təsirləri haqqında ətraflı məlumat verib. Narkomaniyanın fərdin gələcəyinə, ailə münasibətlərinə və cəmiyyətin inkişafına vurduğu zərər diqqətə çatdırıb.
Kollecin müəllimi Zülfiyyə Bayramova gənclərin asudə vaxtlarının səmərəli təşkili, idmana və digər faydalı fəaliyyətlərə yönləndirilməsi, sağlam həyat tərzinin seçilməsi və zərərli vərdişlərdən uzaq durmasının vacibliyini vurğulayıb.
Tələbələrlə mövzu ətrafında fikir mübadiləsi aparılıb, onları maraqlandıran suallar cavablandırılıb.