9 oktyabr 2026-cı il tarixində Bakı Dövlət Universitetində “İqlim dəyişiklikləri, dekarbonizasiya, enerji səmərəliliyi və iqlim dayanıqlılığı sahəsində institusional potensialın gücləndirilməsi” mövzusunda keçirilən təlimdə Bakı Dövlət Universitetinin nəzdində İqtisadiyyat və Humanitar Kollecin Ekologiya fənn müəllimi Əlizadə Günel “Ətraf mühitin mühafizəsi və bərpası ixtisası” TƏM 26 A2 qrup tələbələri ilə birlikdə iştirak etmişdir. Təlim çərçivəsində iqlim dəyişmələrinə uyğunlaşma, onların təsirlərinin azaldılması və regionların dayanıqlı inkişafının təmin olunması istiqamətində aktual məsələlər müzakirə edilmişdir. İştirak tələbələrin ekoloji biliklərinin genişləndirilməsi, iqlim siyasəti və müasir ekoloji çağırışlar üzrə nəzəri biliklərinin praktiki yanaşmalarla zənginləşdirilməsi baxımından əhəmiyyətli olmuşdur.
Təlimin sonunda iştirakçılara sertifikat təqdim olunmuşdur.