6 noyabr 2026-ci il tarixində BDU-nun nəzdində İqtisadiyyat və Humanitar Kollecində “ 8 noyabr-Zəfər Günü”nə və “9 noyabr- Dövlət Bayrağı Günü”nə həsr edilmiş tədbir keçirilmişdir. Tədbirə kollecin məzun şəhidləri - Nicat Səmədov, Novruz Həsənov və Elgün Muradovun valideynləri də dəvət olunmuşdular. Tədbiri giriş sözü ilə açan kollecin direktoru Hicran Eyyubova 44 günlük müharibənin şanlı tariximiz, şəhidlərin isə qürur mənbəyimiz olduğunu bildirdi və onların hər zaman ehtiramla yad olunacağını bildirdi. Nicat Səmədov və Elgün Muradovun valideynləri şəhid ailələri adından çıxış edərək şəhidliyin zirvə olduğunu və övladlarının Vətən uğrunda bu zirvəyə ucalmaları ilə qürurlandıqlarını bildirdilər.
Tədbirin bədii hissəsi tələbələrin ifasında ədəbi-bədii kompozisiya ilə davam etdi.