26 sentyabr 2025-ci il tarixində Bakı Dövlət Universitetinin nəzdində İqtisadiyyat və Humanitar Kollecdə 27 sentyabr - Anım günü ilə əlaqədar tədbir keçirilib. Tədbirdə Azərbaycan Respublikasının Dövlət Himni səsləndirilmiş və Şəhidlərimizin əziz xatirəsi bir dəqiqəlik sükutla yad edilmişdir.
Tədbiri giriş sözü ilə açan kollecin direktoru Hicran Əyyubova bu tarixi günün əhəmiyyətindən danışmış, Vətən uğrunda canından keçən oğullarımızın , hər birinin bir qəhrəman olduğunu, onlarla qürur duyduğumuzu və xatirələrini hər zaman əziz tutacağımızı qeyd etmişdir.
Tədbirdə iştirak edən məzun şəhid Nicat Səmədovun anası Pərvanə xanım şəhidlərə həsr etdiyi şeirlərini oxumuş , şəhid Rəfail Əliyevin qızı tələbə Günel Əliyeva atası ilə bağlı xatirələrini bölüşmüşdür. Tədbirin bədii hissəsində vətənpərvərlik ruhunda şeir və kompozisiyalar səsləndirilmişdir.