27 oktyabr 2025-ci il tarixində Bakı Dövlət Universitetinin nəzdində İqtisadiyyat və Humanitar Kollecində Abşeron rayon İcra Hakimiyyətinin təşkilatçılığı ilə “ Uşaq hüquqları aylığı” çərçivəsində “ Erkən nikahın fəsadları” mövzusunda maarifləndirici tədbir keçirilib.Tədbiri giriş sözü ilə açan kollecin direktoru Hicran Əyyubova erkən nikah probleminin cəmiyyət üçün yaratdığı sosial və psixoloji fəsadlardan danışdı. Tədbirdə həmçinin Abşeron Rayon İcra Hakimiyyəti yanında Uşaq hüquqlarının müdafiəsi üzrə komissiyanın katibi Şükufə Məmmədova çıxış edərək bu istiqamətdə görülən işlər haqqında məlumat verdi. Abşeron Rayon Polis İdarəsinin baş inspektoru Elbrus Əhmədov, Xırdalan Ailə Sağlamlıq Mərkəzinin terapevti həkim Pərvanə Əliyeva və Abşeron-Xızı Regional Təhsil İdarəsinin psixoloqu İstək Bəxtiyarova da çıxışlarında erkən nikahların hüquqi nəticələri, qadın və uşaq sağlamlığına mənfi təsirləri haqqında məlumat verdilər.