6 noyabr 2025-ci il tarixində BDU-nun nəzdində İqtisadiyyat və Humanitar Kollecində “ 8 noyabr-Zəfər Günü”nə və “9 noyabr- Dövlət Bayrağı Günü”nə həsr edilmiş tədbir keçirilmişdir. Tədbirə kollecin məzun şəhidləri - Nicat Səmədov, Novruz Həsənov və Elgün Muradovun valideynləri də dəvət olunmuşdular. Tədbiri giriş sözü ilə açan kollecin direktoru Hicran Eyyubova 44 günlük müharibənin şanlı tariximiz, şəhidlərin isə qürur mənbəyimiz olduğunu bildirdi və onların hər zaman ehtiramla yad olunacağını bildirdi. Şəhid Nicat Səmədovun atası da şəhid ailələri adından çıxış edərək şəhidliyin zirvə olduğunu və övladlarının Vətən uğrunda bu zirvəyə ucalmaları ilə qürurlandıqlarını bildirdi. Tədbir gedişində “Zəfər günü”nə həsr edilmiş şahmat, inşa və rəsm müsabiqələrinin qalibləri diplom və hədiyyələrlə təltif olundular.
Tədbirin bədii hissəsi tələbələrin ifasında hazırlanmış proqramla və kollecin Fiziki tərbiyə rəhbəri Coşğun Sadıqovun tələbələrinin ifasında idman nömrələri ilə davam etdi.