BDU-nun nəzdində İqtisadiyyat və Humanitar Kollecində Ümummilli lider Heydər Əliyevin anım gününə həsr edilmiş tədbir keçirilib.
Tədbir Azərbaycan Respublikasının dövlət himninin səslənməsi ,şəhidlərin və Ulu Öndərin xatirəsinin bir dəqiqəlik sükutla yad edilməsilə başlandı. Tədbiri giriş sözü ilə açan kollecin direktoru Hicran Əyyubova Heydər Əliyevin xalqımızın tarixi taleyində, mənəvi, siyasi və ictimai həyatında əvəzsiz xidmətlərindən bəhs etdi və bildirdi ki, gənclərimiz Ulu Öndəri daim xatırlamalı, onun ideyalarını özləri üçün yol xəritəsi seçməlidirlər.
Sonra dahi liderin şəxsi həyatını və xalqa xidmətlərini əks etdirən videoçarx izlənildi və tələbələrin ifasında ədəbi-bədii kompozisiya nümayiş etdirildi.
BDUİHK kollektivi olaraq Ulu Öndəri dərin ehtiramla yad edir, onun irsinin gələcək nəslə ötürülməsini ali borcumuz hesab edirik.