BDU-nun nəzdində İqtisadiyyat və Humanitar Kolleclə Abşeron Rayon İcra Hakimiyyəti “Konstitusiya və Suverenlik İli” çərçivəsində birgə layihə həyata keçiriblər. Əvvəlcə Ulu Öndərin büstü qarşısına gül dəstəsi qoyularaq əziz xatirəsi yad edilib. Sonra Abşeron Rayonu Heydər Əliyev Mərkəzindəki Muzey ziyarət olunub və eksponatlar barədə ətraflı məlumatlar verilib. Daha sonra Mərkəzin konfrans zalında kollecin tarix müəllimi Humay İsmayılova “ Konstitusiyamız və suverenliyimiz” mövzusunda dərs təşkil edilib. Dərs Azərbaycan Respublikasının Dövlət Himninin səslənməsi, Heydər Əliyev və şəhidlərin ruhunun bir dəqiqəlik sükutla yad edilməsilə başlanıb. Sonra Abşeron Rayon İcra Hakimiyyəti başçısının Humanitar Məsələlər üzrə müavini Gülnar Rəhimova və kollecin direktoru Hicran Əyyubova çıxış edərək Azərbaycan Respublikasının Konstitusiyasının qəbul edilməsində Heydər Əliyevin rolundan, Konstitusiya və suverenliyimizin dövlətçiliyimizin əsas amili olmasından bəhs ediblər. Sonra videoçarx izlənilib, müəllimin izahı və tələbələrin “ Konstitusiyamız hüquqlarımızın təminatıdır” mövzusunda debatı ilə dərs davam edib.