Bu gün BDUİHK-də Azərbaycanın tanınmış hərbi diktoru,hərbi vətənpərvərlik mahnılarının ifaçısı Şəmistan Əlizamanlı qonaq olub və tələbələrlə görüşüb.Tədbir Azərbaycan Respulikasının Dövlət Himninin səsləndirilməsi ilə başlayıb,sonra şəhidlərimizin xatirəsi bir dəqiqəlik sükutla yad edilib.Tədbiri giriş sözü ilə açan kollecin direktoru Hicran Əyyubova Şəmistan Əlizamanlının Azərbaycanın vətənpərvərlik tarixindəki rolundan və xidmətindən danışıb.Sonra söz Şəmistan Əlizamanlıya verilib.O,xatirələrini tələbələrlə bölüşüb,tələbələrə onların qalib ölkənin vətəndaşları olduğunu bildirib və onların suallarını cavablandırıb.Daha sonra hər birimizin çox sevdiyi ifalarını səsləndirib.