BDU-nun nəzdində İqtisadiyyat və Humanitar Kollecində 1 Mart- Ümumdünya Mülki Müdafiə Günü ilə əlaqədar maarifləndirici tədbir keçirilib. Məqsəd tələbələrin diqqətini fövqəladə hallar üçün davranış qaydalarını mənimsənilməsinə yönəltmək, yanğın və qəza hadisələri zamanı düzgün təxliyəni öyrətməkdən ibarətdir. Tədbirdə Mülki müdafiə qüvvələrinin fəaliyyətini əks etdirən videoçarx nümayiş etdirilib, qəza halında təxliyə və ilk yardım qaydaları haqqında məlumat verilib. Sonda tələbələrə yanğınsöndürən balondan istifadə qaydası nümayiş etdirilib.