BDU-nun nəzdində İqtisadiyyat və Humanitar Kollecdə mina təhlükəsi və partlamamış silah-sursatların yaratdığı risklər barədə maarifləndirici tədbir keçirilib. Tədbirin əsas məqsədi tələbə və əməkdaşları mina təhlükəsi, partlamamış hərbi sursatların doğura biləcəyi təhlükələr və bu hallarla qarşılaşdıqda düzgün davranış qaydaları barədə məlumatlandırmaq olub.Tədbirin təşkilatçısı Kollecin Çağırışaqədərki hazırlıq rəhbəri polkovnik leytenant Pərviz Hüseynov mina və partlamamış silah-sursatların insanların həyatı və sağlamlığı üçün ciddi təhlükə yaratdığını qeyd edərək, belə hallarla rastlaşdıqda əraziyə yaxınlaşmamağın, dərhal aidiyyəti qurumlara məlumat verməyin vacibliyini vurğulayıb.