11 aprel 2026-cı il tarixində Bakı Slavyan Universitetində III Milli Təhsil Zirvəsi keçirilmişdir. Əsas mövzusu Təhsildə rəqəmsal transformasiyalar olan tədbirdə Bakı Dövlət Universiteti nəzdində İqtisadiyyat və Humanitar Kollecin İqtisadiyyat və Humanitar ixtisasları üzrə şöbə müdirləri və müəllimləri fəal iştirak etmişdir.
Zirvə çərçivəsində müasir dövrdə təhsilin rəqəmsallaşması, innovativ texnologiyaların tədris prosesinə inteqrasiyası, distant və hibrid təhsil modellərinin tətbiqi, eləcə də rəqəmsal alətlərin təhsilin keyfiyyətinə təsiri kimi mühüm mövzular geniş müzakirə olunmuşdur. Forum iştirakçılarına süni intellekt əsaslı tədris platformaları, elektron resurslardan səmərəli istifadə, müəllim və tələbələrin rəqəmsal bacarıqlarının inkişaf etdirilməsi istiqamətində aktual yanaşmalar təqdim edilmişdir.