BDU-nun nəzdində İqtisadiyyat və Humanitar Kollecdə narkotik vasitələrin zərərinin və sağlam həyat tərzinin təbliği məqsədilə futbol yarışı təşkil olunmuşdur. Yarışın əsas məqsədi gəncləri zərərli vərdişlərdən uzaqlaşdırmaq, onların asudə vaxtını səmərəli təşkil etmək və idmana olan marağını artırmaqdır.Yarış çərçivəsində tələbələrə narkotik vasitələrin insan sağlamlığına, psixologiyasına və gələcəyinə vurduğu zərərlər barədə məlumat verilmiş və qeyd olunmuşdur ki, belə zərərli vərdişlər insanın həyatını məhv edir, onun cəmiyyətə faydalı fərd kimi formalaşmasına mane olur. Həmçinin yarış gənclərin diqqətini sağlam seçimlərə yönəltmək baxımından mühüm əhəmiyyət daşıyır. Bu yarış təkcə idman tədbiri deyil, həm də tələbələr arasında maarifləndirmə və düzgün həyat tərzinin təşviqi üçün bir platformadır. Futbol yarışı zamanı iştirakçılar həm komanda ruhunu, həm də sağlam rəqabəti nümayiş etdirərək göstərdilər ki, uğura gedən yol sağlam həyat tərzindən keçir.
