BDU-nun nəzdində İqtisadiyyat və Humanitar Kollecdə tələbələrin əl işlərindən ibarət “ Şəhərsalma: İrs və İnnovasiya” adlı sərgi təşkil edilmişdir.
“Şəhərsalma və Memarlıq İli” çərçivəsində təşkil olunan bu sərgi qədim memarlıq irsimizlə müasir şəhərsalma baxışını bir araya gətirmişdir. Burada tarixi abidələrin maketləri milli-mədəni yaddaşımızı əks etdirmiş, müasir şəhər layihələri isə gələcəyin innovativ və dayanıqlı urbanizasiya nümunələrini nümayiş etdirmişdir.
Sərginin məqsədi şəhərlərin inkişafında memarlığın rolunu vurğulamaq, tarixi irsin qorunmasının vacibliyini diqqətə çatdırmaq və yeni şəhərsalma həlləri ilə cəmiyyətə estetik və funksional baxış təqdim etməkdir.